Shillong, K’Lyngkot 19
U Archbishop jong ka Shillong Archdiocese u Most Rev. Victor Lyngdoh u la shah khot sngewbha sha ka jingplie ïa ka Ram Mandir ha Ayodhya ka ban plie da u Myntri Rangbahduh ka Ri u Narendra Modi ha ka 22 tarik mynta u bnai.
Ki nongïalam ka seng Bharatiya Janata Party (BJP) Meghalaya ba la lamkhmat da u President u Rikman G Momin lem u Myntri ka Sorkar u Bah A.L Hek bad kiwei ha ka Sngi Thohdieng ki la leit ban ïakynduh kyrpang ïa u Archbishop ha Archbishop’s House, Laitumkhrah bad aiti ha u ïa ka Revered Akshat bad ïa ka shithi khot sngewbha na ka bynta ka jingplie paidbah ïa ka Ram Mandir.
Ha ka kyrwoh ba la pyllait da ka BJP, la ong ba u Archbishop u la pynpaw ïa ka jingkwah ban leit ïuhkjat sha ka Ram Mandir kaba don ha Ayodhya bad ai ka jingkyrkhu jingkyrdoh ha ka sngi plie ïa ka Ram Mandir.
