Shillong, K’lyngkot 21
Ka Regional Democratic Alliance (RDA) kaba dei ka kynhun synrop jong ka UDP bad ka HSPDP kan pynlong ïa ka jingïalang ban pynithuh paidbah (official introduction) ïa u kyrtong jong ka RDA u Bah Robertjune Kharjahrin na ka bynta ka ilekshon sha ka Lok Sabha na ka Shillong (ST) Parliamentary constituency bad kumjuh ruh ban sdang ïa ka jingïalap ilekshon na bynta ka ilekshon MP 2024.
Ka jingïalang kan long ha ka 23/01/2024 ha ka shlem treikam jong ka UDP ha Bomflye Road, Laitumkhrah Shillong ha ka por 11.00 baje mynstep.
Ka RDA ka khot sngewbha ïa baroh ki MLA & MDC jong ka UDP & HSPDP, ïa baroh ki dkhot ka sengkmie (central body), ïa ki President & Secretary jong ki District, President & Secretary na ki jylli/konstitwensi, ïa baroh ki nongïalam jong ka UDP & HSPDP bad kumjuh ruh ïa ki dkhot ka Women Wing & Youths Wing jong ka UDP bad HSPDP ba kin wan sha kane ka jingïalang. Kane ka long katkum ka kyrwoh ba la phah da u Bah Titosstarwell Chyne, Asst Secretary, RDA.
