Shillong, K’lyngkot:
Ka CDSL, Asia kaba long ka shnat treikam ba nyngkong ïa kaba la ithuh na ka bynta ban leh ïa ka jingbuh pisa, mynta ka la pyllait paidbah ïa ka sienjam treikam ha ki ar tylli ki ktien kum shi bynta ban rakhe ïa ka jubili rupa bad kyntiew ruh ïa rukom treikam ban kynthup ïa ka jingshakri na ka bynta ban plie ïa ki lad ki lynti ban kynthup bad ïalade ïa ki briew ba kin ïoh ban ïashim bynta ha ki ïew khaïi ïa kheng pisa ne ki Capital Market. Ïa kane ka sienjam treikam la wanrah da i Chairperson ka SEBI Chairperson i Madhabi Puri Buch ha ka jingrakhe ïa ka jubilee rupa ha ka 17 tarik u Kyllalyngkot, 2024.
Ka CDSL ka la kyntiew ïa ka CAS da kaba leh ïa ka ha ki ktien bapher bapher, kaba ailad ïa ki nongkheng pisa ba kin ïoh ïa ki Statement ne ki jingpyni ïa ki jingïaid ka kam ha la ka ktien ba ki mon ïa kaba lah ban ïoh ha ki 23 tylli ki kyntiew. Kane ka sienjam treikam ïa kaba la tip kum ka ‘Apka CAS – Apki Zubaani’ ka ailad ïa ki briew ba kin lah ban peit ïa jingshngaiñ jong ka pisa jong ki ha ka Demat Account.
Ïa ka CDSL Buddy Sahayta 24*7 Chatbot, lah ban ïoh ha ki saw tylli ki ktien, kaba thmu ban pynsuk ïa ka jingïaid lynti jong ka jingbuh pisa jong ki bad pynsuk khnang ba kin ïoh ïa ki jingkyrshan kiba ha kano kano ka por ha kaba ïadei bad ki jingshngaiñ jong ki iew. Kane ka Chatbot kaba kham kyrpang, ïa kaba lah ban ïoh ha ki ktien bapher bapher ka long kum ka paralok kaba ïajan bha ha ka CDSL Website. Ha ka jingrakhe ïa ka jubilee rupa u Nehal Vora, MD & CEO, u la pyntikna, “Katba ngi dang rakhe ïa ka jingdap 25 snem jong ka jingïaid lynti jong ngi, ka long kaba sngew sarong ban sakhi ïa i Chiarperson ka SEBI ba i pyllait ïa kane ka sienjam treikam ba donkam bha jong ka CDSL.”
Ka CDSL ka la dep ban pyllait ïa ka kaiphod halor ka phang ‘Reimagine Digital Trust in Capital Markets’, kaba phai khmat bha sha ka jingïadei ka Digital Trust bad ka Global Financial. Ïa kane ka kaiphod, la pynkhreh ryngkat ka jingïatreilang bad ka KPMG, kaba pyni ïa ka jingdonkam jong ka Digital Trust ha ka Capital Market. Ka CDSL ka la dep ruh ïa ka jingïalap paidbah ïa ka ‘Neev’, kaba pynsaphriang ïa ka jinghikai shaphang kumno ban pynïaid ïa ka pisa pilaiñ ha kylleng ki 25 tylli ki nongbah, kaba pyni ïa ka jingtreikam ba radbah na ka bynta ban ai jinghikai shaphang kumno ban pynïaid ïa ka pisa pilaiñ ha kylleng ka ri.
