Khliehriat, K’Lyngkot:
Ryngkat bad ka Jylla ka East Jaiñtia Hills District ruh ka la ïasnohktilang ban rakhe ïa ka jingdap 52 snem ka Jylla ha ka jingïalang kaba la long ha ka shlem treikam u Deputy Commissioner.
U Deputy Commissioner, u A. Baranwal, u la long kum u kongsan ha ka jingdonlang u Additional Deputy Commissioner, u Bah G. Warjri, ka Assistant Commissioner, ka Kong F. Wann ryngkat ki khynnah skul, ki nonghikai bad ki Waheh Shnong.
U Baranwal ha ka jingkren u la ong, ka Meghalaya ka dei ka jylla kaba la kyrkhu bad kaba don shibun ki marpoh khyndew kiba lah ban pyndonkam ha kiba bun jait, ha kaba ki nongtrei sorkar kumjuh ki paidbah wat hapdeng ki mawjynthut ki don ka kamram na ka bynta ka imlang sahlang.
La pynphuh pynphieng ïa ka jingïalang da ki jingrwai jingshad na ki khynnah ka Khliehriat Higher Secondary School bad Rymbai Government Secondary School.
