Shillong, K’lyngkot 24
Ka Sorkar Jylla kan sa plie noh ïa u motdur jong U Tirot Sing Syiem ha nongbah Dhaka ha Bangladesh ha ka 16 tarik u Rymphang mynta u snem.
U Myntri ka tnat Arts and Culture, u Bah Paul Lyngdoh u la ong ba ka Sorkar Jylla ka la dep ïakren bad u High Commissioner ka India ha Bangladesh na ka bynta kane ka kam bad ha ka 16 tarik u Rymphang la pynbeit ban plie ïa u motdur.
U Symbud Myntri Rangbah u Bah Sniawbhalang Dhar lem bad u Bah Paul kum u Myntri ka tnat Arts and Culture bad kiwei kiwei kin leit sha Dhaka na ka bynta ka jingplie ïa u motdur jong U Tirot Sing.
U Bah Paul u la ong ba ïa u motdur la pynwandur bad pynbit pynbiang da u barikor u Bah Rafael Warjri.
