Nongpoh, K’Lyngkot 25
Ki nongïalam ka seng Congress ba kynthup ïa u President ka Ri Bhoi District Congress Committee, u Bah Charles Marngar uba dei ruh u MLA ka Mawhati ryngkat u Bah Celestine Lyngdoh, MLA ka Umsning ki la pynpaw ïa ka jingkmen halor ka jingïaid beit jingïaid ryntih ka jingïalang kaba la wan ban ïadon bynta da u Rahul Gandhi shi bynta na ka jingïaid kjat ba la tip kum ka Bharat Jodo Nyay Yatra (BJNY) ban wanrah ïa ka jingtylli bad ka hok jong ka ri India, ha kaba da ki phew hajar ngut ki paidbah ki la poi sha katei ka jingïalang ba la pynlong ha madan Pahamsyiem ha ka 22 tarik mynta u bnai.
Kum shi bynta na ka jingïaid beit jong kane ka prokram, ki nongïalam ka seng Congress ki la pynpaw ïa ka jingsngewnguh sha baroh kito kiba la ïadon bynta kynthup lang naduh ki nongïalam ka Congress ha ka jylla kaba la lamkmat da u Bah Vincent H Pala, ki nongïalam jong ka Youth Congress, ki nongïalam jong ka Mahila, ki MLA, ki MDC, ki bor pynïaid district ka Ri Bhoi, ka ophis u Superintendent of Police ka Ri Bhoi, ki paidbah baroh kiba la wan ban ïadon bynta na Ri Bhoi ne kiwei kiwei ki District ka jylla.
