Shillong, K’lyngkot 28
Ka samla Ibadamut Kurbah kaba dang pule M.Sc ha Don Bosco Assam ka la pynpaw ba ki briew ki la ang lyngngoh haba ka sem dhara haba ka ak ïa ka ‘music video’ jong ka phlim ‘Shukor’ ha Tawang kaba don ha Arunachal Pradesh.
Ka samla Ibadamut ka la pyntip ba ïa ka jingrwai jong ka phlim ‘Shukor’ la leit ringdur ha u snem 2022 bad yn sa pyllait paidbah noh ha Bijou Cinema, Shillong ha ka 9 tarik mynta u bnai ha ka por 11:30 mynstep, 2:00 baje nohphai sngi, 5:00 baje janmiet bad 7:00 baje mynmiet.
Ka la ïathuh ba ha kane ka phlim, ka la shim ïa ka bynta kum ka puron kaba ak kum ka lok jong u Pyllaitmitre Lypon ryngkat u Micky Lyngdoh, Lucy Wahlang bad Keebor Kurbah kaba la direct da u Bah Kitrina Nongrum bad la pynmih da u Bah RK Sayoo.
Shuh shuh ka Ibadamut ka la ïathuh ba ïa ka dhara la shu rah ban ïoh shondur, hynrei ynda la sem u director u la phah riam syndon haba ringdur ïa ka jingrwai ha Tawang.
Ha kajuh ka por ka la ïathuh ba ka dang pule ïa ka M.Sc ha Don Bosco Assam, hynrei ka la wan sha Shillong namar ka dang ïoh shuti. Kane ha kajuh ka por ka la plie lad ïa ka ban pan jingkyrshan na ki paidbah haba ïa kane ka phlim (Shukor) ka la jan mih ha Bijou cinema, Shillong.
“Ha ka por ba nga dang pule B.Sc ha Synod College, Shillong, nga la bate ïa ka por ba ngan khreh kot bad ak phlim bad haba nga la lait ïa ka eksam nga la leit pule M.Sc sha Assam” ka la ong.
Kumta ka la pan jingkyrshan na ki paidbah ba kin wan ai jingkyrshan ïa ka phlim ‘Shukor’ namar ka dei ka phlim kaba nyngkong ba kan ïoh ban ak bad u Pyllaitmitre Lypon.
