Mairang, K’Lyngkot 29
U Deputy Commissioner ka Eastern West Khasi Hills u Bah G Kharmawphlang, IAS, u la pyntip paidbah ba katkum ka jingbthah jong ka Sorkar, baroh ki tnat treikam sorkar la ki dei jong ka Sorkar Jylla ne Sorkar Pdeng, ki dei ban pynlong ïa ka jingsngap jar kaba ar-minit ha ka 30 tarik u Kyllalyngkot, 2024 kaba dei ka Martyrs Day.
Ha ka kyrwoh khubor, na ka liang jong u DC u la ong ruh ba katei ka jingpynlong ïa ka jingsngap jar ka long kum ka dak ban kynmaw burom ïa ki riewshlur kiba la pha ïa ka jingim ha ka por jong ka jingïaleh laitluid jong ka Ri India.
Shuh shuh u la ong ruh ba kane ka jingsngap jar kan long ha ka por 11 baje haduh 11 baje arminit mynstep jong ka 30 tarik u Kyllalyngkot, 2024.
U DC ha ka kyrwoh khubor u la ong ruh ban tip ïa ka jingsdang jong ka jingsngap jar kaba ar minit, yn sa pynpah ne pynsawa da ka siren naduh ka por 10:59 haduh 11:00 baje mynstep, bad hadien ar minit, yn sa pynpah biang ïa ka siren naduh ka por 11:02 haduh11:03 mynstep.
Nangta, ka kyrwoh khubor na u DC ka ong ruh ba ka All India Radio ruh kan sangeh ban sam khubor ha katei ka por, bad ki kali kiba ïaid ba ïeng ha surok ruh ki dei ban sangeh ar-minit.
