Shillong, Kyllalyngkot:
Ha ka jingpyrshang ban nang kham pynbha ïa ki jingshakri bad pynsuk ïa ki briew, ka Vi, kaba long ka shnat ai jingshakri Telecom ba paw bha, ka la pynmih sa ka ‘Swiggy One Membership’ kum ka jingai ba pynïohnoh na ka bynta kito kiba pyndonkam ïa ka Vi Max Postpaid kaba 501 tyngka shaneng. Ka jingpynmih ïa kane ka jingshakri kaba thymmai na ka bynta kito kiba pyndonkam ïa ka Vi Max Postpaid ka ailad ïa ki ba kin ïoh ïa ka Swiggy’s Premium Membership bad pyndonkam pura ïa ka, kaba shongdor palat ïa ka 2500 tyngka, khlem hap ban shah ot tam ïa ka pisa.
Hadien ka jingïoh ba la ïoh da kaba wanrah ïa ka buit treikam kaba thymma ïa kaba la tip kum ‘Choice’ Initiative, kaba ailad ïa ki nongpyndonkam ba kin ïoh shibun ki jingmyntoi ha ki bynta ba bun jait, ka Vi ka bteng ban buh ha khmat ïa ki briew kiba pyndonkam ïa ki jingshakri jong ki khnang ba kin ïoh ïa ka jingsngewhun. Ka Vi Max Postpaid Plans, ka kynthup ïa ki plan kiba 501 tyngka, 701 tyngka, REDX Plan ba 1101 tyngka, ka Vi Max Family Plan ba 1001 tyngka, bad 1151 tyngka, bad mynta ka la wanrah ruh ïa ka Swiggy One Membership kum shi bynta jong ki jingmyntoi ba bun.
Ki nongpyndonkam ïa ka Vi Max Postpaid mynta ki lah ban jied ïa ki jingmyntoi kiba bun, ba kynthup ban ïoh peit ïa ki jingpynbyrngia lyngba ka Amazon Prime, Disney+ Hotstar, SonyLIV, bad SunNXT; ki lah ruh ban ïoh ïa ki jingmyntoi haba ki leit jingleit bad pyndonkam da ka Easemytrip; ka jingïoh ïa ka jingshngaiñ jong ki Mobile ne Mobile Security lyngba ka Norton 360 Mobile Security, bad ïoh ruh ban leit bam da kaba pyndonkam ïa ka EazyDiner bad Swiggy One Membership.
Nalor kine ki jingmyntoi, ka Vi Max Postpaid plan ka wanrah ruh ïa ki jingtyrwa kiba kham pher kum ka ‘Set Your Own Credit Limit’ bad ‘Priority Customer Service,’ kaba nang kham pynkhlaiñ shuh shuh ïa ka jingtreikam jong ka Vi ban ai ka jingshakri kaba khlaiñ na ka bynta ki nongpyndonkam jong ka.
