Shillong, Kyllalyngkot:
Ka Vi ka la pynbna ïa ki lad ba kyrpang na ka bynta kito ki nongpyndonkam ïa ka Prepaid ha ka jingrakhe ïa ka Republic ba 75. Ki nongpyndonkam mynta ki lah ban ïoh ïa ki Recharge Pack kiba kyrpang ha ki katto katne ki Recharge Pack ba la wanrah lyngba ka Vi App, kynthup ruh ïa ka jingïoh myntoi na ki data kaba long haduh 50GB khlem da hap siew tam ka pisa bad yn ïoh ruh ïa ka jingpynduna dor kaba long haduh 75 tyngka. Ïa kane ka jingtyrwa lah ban ïoh ha ka Vi App bad lah ruh ban ïoh ïa kine ki jingtyrwa na ki jaka Recharge ha kylleng.
Na ka bynta ki Recharge ba 179 tyngka, 195 tyngka, 199 tyngka, bad 239 tyngka, ki nongpyndonkam kin ïoh ïa ka jingpynduna dor kaba long haduh 50 tyngka khnang na ka bynta ban shim noh da ka Hero Unlimited ba 299 tyngka, kaba kynthup ïa ka Unlimited Night data bad Weekend Data ha ka dor kaba duna. Na ka bynta ka Recharge Pack kaba 2899 tyngka bad 3099 tyngka, ki nongpyndonkam kin ïoh tam shuh shuh sa haduh 50GB ka data, katba na ka bynta ka Recharge Pack ba 1449 tyngka, kin ïoh tam shuh shuh sa 30GB ka data.
Ka Vi ka la wanrah ruh ïa ka ‘Job Mela’ na ka bynta ki samla ryngkat ka jingïatreilang bad ka Job Hai, kaba long ka rynsan thung kam thung jam ba la leh da ka Info Edge. Kane ka app kan wanrah ïa ki jingtyrwa jong palat 5 lak tylli ki kam napdeng ki 45 tylli ki thup treikam, bad ki kyrdan jingpule jong ki nongthep kam kan dei naduh kito kiba la pyndep ïa ka klas 10 haduh Postgraduate. Kane ka app kan pyni ruh ïa ki video lyngkot kumno ban tip shaphang ki rukom kylli jingkylli ban ïarap ïa ki nongthep kam ba kin nang ban pynkhreh na ka bynta ka kam ba ki thep.
