Nongpoh, K’Lyngkot:
U Deputy Commissioner ka Ri Bhoi District u la pyntip ba yn pynlong ïa ka International Water Conclave Shillong 2024 ha Shillong ha ka 9 bad 10 tarik u Rymphang 2024 da ka jingthmu ban pynsngewthuh ïa ki paidbah nongshong shnong ka jylla shaphang ka jingkordor jong ka um ban tyngkai bad pynneh-pynsah ïa ka na ka bynta ka lawei khamtam eh ha ka jylla.
Lyngba katei ka prokram, yn pynlong ïa ki jingïakob bapher bapher ha ka online mode, kum ka Quiz competition on Air & Social Media, Slogan Writing (open to all), Public Service Announcement bad kiwei kiwei. Ïa ka jingïakob dro (open to all) Ri Bhoi, yn pynlong ha District Library hall, ha ka 31/01/2024 ha ka por 11 baje mynstep hadien jong ka ïakob tyrko nia ha kaba u DC ka Ri Bhoi u la khot la wer ïa ki paidbah ban ïashim bynta.
Ïa ki jingdonkam ne ki tiar na ka bynta ka jingïakob dro la kyrpad ïa ki nongshim bynta ban wanrah hi. Ïa ki 3 ngut ki nongjop ha katei ka jingïakob yn phah sha ka state level bad ïa ki nongjop yn ai buskit T.20,000, T.15,000 bad T.10,000 kata ïa kiba wan nyngkong, ba-ar bad ba-lai. Ïa ki jingtip ba bniah yn lah ban ïoh lyngba ka website https://iwcshillong.org/.
