Nongpoh, Rymphang 02
Kawei ka dukan rit kaba don harud ka surokbah National Highway 6 kaba dang hap ha ka shnong Umryngksai ka la shah rat ha kawei ka trok kit ‘Coke’ kaba dang wan na ki thaiñ Ri-lum Jaiñtia ban leit sha Byrnihat.
Kumba la ïoh lum jingtip, la ïathuh ba kane ka jingjia ka la jia ha ka step phyrngap jong ka Sngi Thohdieng namar ka jingshoh samthiah jong u nongñiah katei ka trok kaba don ïa u nombor AS01 JC1301 kaba la pynlong ïa u ban ym lah shuh ban tehlakam ïa la ka kali bad leit rat beit-beit ïa katei ka dukan rit kaba don harud ka surokbah.
U trai jong katei ka dukan uba dang ïohthiah lyngngai hapoh dukan ha ka por jong katei ka jingjia, u la lait na ka jingjia ba sngewsih bad la ïathuh ruh ba um shym ïohsngew satia ïa katei ka jingshah tynrah ka dukan jong u bad dei tad haduh ka por ba u ka kyndit naba thiah ba un sa ïohi ïa la ka dukan kaba la pra phom na ki bynta ba shakhmat.
