Shillong, Rymphang 02
Da kaba pyndonkam ïa ka bor ba la pynkup da ka Clause (1) jong ka Article 217 ka Riti Synshar, ka President jong ka Ri India ka la ai hukum ban thung ïa u Justice S. Vaidyanathan, Nongbishar (Judge) ka Madras High Court, ba un long kum u Chief Justice bathymmai ka Meghalaya High Court.
Kane ka byrta halor ka jingthung ïa u Justice Vaidyanathan kum u Chief Justice ka Meghalaya High Court ka la mih ha ka Sngi Thohdieng.
Lah ban kdew ba ka Meghalaya High Court ka khlem don ïa u Chief Justice bapura naduh ba shongthait u Justice Sanjib Banerjee ha ka 1 tarik Naiwieng, 2023.
Naduh ba la shongthait u Justice Banerjee, u Justice HS Thangkhiew u la long kum u Chief Justice ba shipor jong ka High Court.
