Jowai, Rymphang:
Ka shlem treikam jong u General Manager, District Commerce & Industries Centre, Jowai ka khot ïa baroh sha ka District Level Industrial Exhibition ne ka Ïew pyni nam ïa ki tiar ki tar kaba ar sngi ka ban long ha ka 7 bad 8 tarik u Rymphang ha phyllaw jong ka shlem treikam u General Manager, District Commerce & Industries Centre kaba don ha Mihmyntdu.
Kan sa don ruh ka jingpyni paidbah bad ka jingïadie jingïathied ïa ki tiar ki tar, ki marbam lem bad ki mar ba bun jait ba la shna da ki briew bad ki seng bapher-bapher, kiba don hapoh ka distrik bad na kiwei ki distrik kumjuh.
Ïa katei ka ïew ba ar sngi yn sa wan plie da u Deputy Commissioner, West Jaiñtia Hills District, u Bah B. S. Sohliya, IAS.
