Shillong, Rymphang 06
Ka khubor kaba la kham dier por kaba la ïohlum na ki pulit ka ïathuh ba ha ka 2 tarik Rymphang, ki BSF ki la ïoh ban kurup haduh 30 tylli ki kali Bolero Pik-Up na ka thaiñ Maheshkhola kaba don ha South Garo Hills.
Nalorkata, ka khubor ka ïathuh ba ha kitei ki kali, la kit ïa ka shini bad la suba ba ka dei kaba la thmu ban shalan tuh sha Bangladesh. Hadien ka jingïoh kurup ïa kitei ki kali, ka khubor ka ïathuh ba kita ki BSF ki la shah ker kut ha kumba 100 ngut ki briew. Da ka jingwan jong ki pulit, la ong ba la lah ban pynpra ïa kata ka jingïalum bad jingker kut ïa ki BSF. Ïa ka shini ba la kurup la buh ha thanat Maheshkhola.
