Shillong, Rymphang:
Haduh hynñiew ngut ki nongthoh Poitri ba pawnam jong ka jylla Meghalaya ki la leit ban mihkhmat sha ka prokram kaba la tip kum ka “South Asian Literary and Cultural Summit 2024 ka ban long ha ka Ri Bangladesh.
Ïa kane ka prokram baheh duh jong ka Ri Asia la pynïaid da ka “Weekly Bwazra Katha & ka Association For South Asian Culture and Literature (AFSACAL) bad ha kane ka jingïalang jong ki nongthoh poitri la wan ban ïa shim bynta da ki 8 tylli ki Ri bapher bapher bad la ïoh ruh ïa ka jingpule Poetry na ki Myllung ba bún na kylleng ki Ri bad la pynshongshit shuh shuh ïa ka prokram da ki jingrwai na ka nongrwai ba paw ka Jylla.
Ki Myllung na ka Jylla Meghalaya ki la ïoh ruh ka lad ban pule ïa ki jingthoh jong ki ha ka ktien Khasi bad la pynphuh-pynphieng ïa ka jingïalang da ka jingshad Khasi kaba ki Myllung ki la shad ha ryngkat ka riam Khasi kaba la pynshohbiej ïa kiba bún bah ki nongwan ïashim bynta.
Ha ka jingïalang kaba lai sngi kynthih, ki nongïashim bynta ki la ïoh bun ki jingmyntoi khamtam eh ki la ïoh ban pyni ïa ka jingriewspah ka ktien Khasi bad kumjuh ruh ka riam Khasi.
Ki nongthoh poitri kiba la leit ïashim bynta ki long ka Professor Streamlet Dkhar (Dean of North Eastern Hills University, Well known Poets, Writers), Dr. Solony Bareh (Assistant Professor & Writer), Dr. Melony Bareh (Retired Medical Superintendent), Bakhiamon Rynjah (Assistant Professor), Lucky Kharpuri (well known Writer), Evanisha Pathaw (Social Worker Singer & Poets) bad Mary Bamon (Social Activist & Poet).
