Shillong, Rymphang 09
Ka Mawkhar Church C.E. Union, kaba long ka kynhun ki samla hapoh ka Balang Presbyterian, Mawkhar kan pdiang ïa ka jingïaseng Samla C.E. Union Shillong Ri-Lum Presbytery ha ka 10 bad 11 tarik Rymphang.
Katkum u kyrwoh khubor, la ong ba ha kitei ki sngi, ka jingïaseng kan long ha ïingmane ka Balang Presbyterian, Mawkhar.
Na ka bynta kiba wan sha katei ka jingïaseng ha ka 10 tarik Rymphang, ïa ki kali dei ban pynïeng hakhmat bad shadien ka ïingmane.
Ha ka 11 tarik Rymphang, ïa ki kali dei ban pynïeng ha Mawkhar Main Road, Mission Road, Mission Field, Nabon Women’s College, KJP Girls Higher Secondary School, KJP Synod Sepngi Office, bad ha Ri-Bhoi Synod Compound.
