Shillong, Rymphang:
U Ashishkumar Chauhan, MD & CEO of NSE, u la ong ba ka mang tyngka jong ka sorkar ne ka Interim Budget ka long 10/10. U Ashishkumar Chauhan u la ong ba kane ka mang tyngka ka phai khmat bha ban kyntiew ïa ka ïoh ka kot, ka bha ka miat bad ka jingpyndonkam bha ïa ka pisa bad ha kajuh ka por ban pyntikna ban don ka jingbteng ïa ki kyndon treikam bad ka jinglum khajna.
Ka phai khmat ruh sha ka jingkyntiew ïa ka jinghikai pyntbit lyngba ka jingtei ïa ki jaka treikam bad ban thaw ïa ki lad aikam-aijam. Kane ka mang tyngka ka long kaba biang ban pyntreikam na ka bynta kiba duk ba kyrduh, ki nongrep, ki kynthei bad ki samla, kaba long kaba donkam bha na ka bynta ban kyntiew ïa ka ïoh ka kot ha baroh ki liang.
Kane ka mang tyngka kaba la peit biang sa shisien na ka bynta ka snem mang tyngka ne FY23-24 ka long 5.8%, kaba logn ka jingpynbha da 10bps na ka mang tyngka kaba la buh jingkhein. Ka jingpynbiang ïa ka mang tyngka ka long kaba ha khmat eh, ha kaba ïa ka Fiscal Deficit na ka bynta ka snem mang tyngka FY24-25 la pynduna da 5.1%, kaba la nang kham kyntiew shuh shuh ïa ka jingangnud bad ka jingpyrshang ban pynurlong ïa ka thong kaba logn 4.5% kat ha ka snem FY25-26.
Katkum ka jingkheiñ jingdiah ka mang tyngka ka la kiew da 16.9% bad ka la long haduh kumba 11.11 lak klur tam, kaba pyni ba ka don ka jingkiew ka GDP da 3.4%, bad ka CAGR kaba long 27% ha kine ki san snem ba la dep. Ka don ruh ki kyndon ban wanrah ïa ka jingshngaiñ na ka bynta kiba duk bad kyrduh bad kiba donkam shisha.
