Islamabad, Rymphang 11 (UNI)
Ka Election Commission of Pakistan (ECP) ha ka Sngi U Blei ka la pynbna ïa ka ‘Result’ bapura jong ka ilekshon jied MP kaba la long ha ka 8 tarik Rymphang.
Katkum ka jingpynbna da ka ECP ha kaba ïadei bad ka jingjied ïa ki dkhot ka National Assembly, ki kyrtong khlem seng lane ‘Independent’ ki la jop haduh 101 tylli ki konstitwensi.
Ka Pakistan Muslim League-Nawaz ba la ïalam da u Myntri Rangbahduh barim, u Nawaz Sharif, ka la jop ha ki 75 tylli ki konstitwensi katba ka Pakistan People’s Party ba la khlieh da u Myntri barim ka tnat bar ri, u Bilawal Bhutto Zardari, ka la jop ha ki 54 tylli ki konstitwensi.
