Shillong, Rymphang 13
Namar ka ilekshon MP Lok Sabha ka ban sa long shen, ka sorkar jylla ha ka Sngi Ba-Ar ka la pynmih hukum ban pynkynriah ïa ki katto katne ngut ki heh ophisar pulit kiba bat ïa ka kyrdan Superintendent of Police (SP), Additional SP bad Deputy SP.
Ka sorkar ka la pynbna ba u Bah Sylvester Nongtnger, SP ka East Khasi Hills, u la shah pynkynriah ban shimti kum u Commandant ka 6th MLP Battalion ha Umran ha ka jaka jong u Rituraj Ravi. U Rituraj un wan ban shimti kum u SP ka East Khasi Hills ha ka jaka jong u Bah Nongtnger.
Nalor nangta, ka sorkar ka la pynkynriah ïa u SP (City), u Bah Vivek Syiem, bad une u heh pulit un sa shimti noh kum u SP (CID), Meghalaya ha ka jaka jong u Pankaj Kumar Rasgania. Ha ka jaka jong u Bah Vivek, ka sorkar ka la thung ïa u Rasgania kum u SP (City).
Shuh shuh ka sorkar ka la pynkynriah ïa u Dr Dara Aswaghosh, Commandant, 2nd MLP Battalion, Goeragre, West Garo Hills, Tura, ba un shimti kum u SP ka West Garo Hills na u Abraham T. Sangma. Ha ka jaka jong u Dr Aswaghosh, la thung ïa u Abraham kum u Commandant ka 2nd MLP Battalion.
Ka sorkar ka la pynkynriah ruh ïa u Bah Banteilang Kharjana, Deputy Commandant, 5th MLP Battalion, Samanda, East Garo Hills District ba un shimti kum u Additional Superintendent of Police, South West Khasi Hills District, Mawkyrwat.
Ha kajuh ka por, ka sorkar ka la pyntip ba u Bah Spearsing Paslein, MPS, Deputy Superintendent of Police (Hqr), Ri-Bhoi District, Nongpoh un leit ban shimti noh kum u Deputy Superintendent of Police (Hqr), East Jaiñtia Hills District, Khliehriat.
Nalorkata, la pynkynriah ïa u Anthony Ch. Momin, Deputy Superintendent of Police (Hqr), East Garo Hills District, Williamnagar bad un shimti kum u Sub-Divisional Police Officer, Chokpot, South Garo Hills ha ka jaka jong u John Clitzer A. Sangma.
Ka sorkar ka la pynkynriah ïa u Krison R. Marak, Deputy Superintendent of Police (Hqr), West Garo Hills District, Tura ba un shimti kum u Deputy Superintendent of Police (Hqr), East Garo Hills District, Williamnagar ha ka jaka jong u Anthony Ch. Momin.
Ïa u John Clitzer A. Sangma, Sub-Divisional Police Officer, Chokpot, South Garo Hills la pynkynriah ba un shimti kum u Deputy Superintendent of Police (Hqr), North Garo Hills District, Resubelpara ha ka jaka jong u Sylvester Raksam Marak.
U Sylvester Raksam Marak, Deputy Superintendent of Police (Hqr), North Garo Hills District, Resubelpara un shimti kum u Assistant Commandant, 2nd MLP Battalion, Goeragre, West Garo Hills.
Shuh shuh ka sorkar ka la pynkynriah ïa u Bah Jeffry W. Sooting, Deputy Superintendent of Police (City), Shillong ba un shimti kum u Sub-Divisional Police Officer, Mawshynrut ha ka jaka jong u Isaac S. Marak, bad ïa u Marak la thung kum u Deputy Superintendent of Police (Hqr), East Khasi Hills District, Shillong.
