Shillong, Rymphang:
Ka Monolith Festival kaba la buh ban pynlong ha u Rymphang la rai ban pynkynriah noh ïa kane ka tamasa sha u bnai Lber.
Kane ka jingshim rai ban pynkynriah tarik la shim ha ka jingïalang jong ka Coordination Committee Monolith Festival 2024 kaba shong jingïalang ha ka 13 tarik mynta u bnai ha KHADC ha ka jingïadonlang ki EM, ki MDC, ki nongmihkhmat na ka Hima Mawphlang, ka Event Management Team bad kiwei kiwei.
Kane ka jingïalang ka la shim ruh ïa ka rai ba ïa ka Monolith Festival yn pynlong noh ha ka 7, 8 bad 9 tarik jong u Lber mynta u snem. La ong ba ka jingpynkynriah ïa kane ka tamasa ka dei namar ki daw bym lah kiar.
Lah ban pynkynmaw ba ka KHADC ha kaba nyngkong ka la rai ban pynlong ïa kane ka tamasa naduh ka 1 tarik Rymphang haduh ka 3 tarik Rymphang, hynrei hadien pat ka la pynkynriah noh sha ka 22, 23 bad 24 tarik Rymphang.
