Khliehriat, Rymphang:
Kum shi bynta jong ka jingpynkhreh ïa ka ilekshon MP sha ka ïingdorbar Lok Sabha ka ban sa long shen, ki Deputy Commissioner bad Superintendent of Police jong ar tylli jylla ki la pynlong ka jingïakynduh lang ha nongbah Khliehriat ha ka 20 tarik Rymphang.
Kine ar tylli jylla ki long ka bor pynïaid District jong ka East Jaiñtia Hills, Meghalaya bad ka Cachar District, Assam bad ïa ka jingïakynduhlang la pynlong ha shlem treikam jong u Deputy Commissioner ka East Jaiñtia Hills District.
U Deputy Commissioner Abhilash Baranwal, IAS bad u SP Giri Prasad, IPS jong ka East Jaiñtia Hills District ki la pdiang burom ïa u DC Cachar u Rohan Kumar Jha, IAS bad SP Numal Mahatta, APS.
Ha kane ka jingïakynduh jong kine ki ar tylli ki bor pynïaid District la ïakren ruh ïa kiwei ki mat kiba ïadei bad ka kam pud kam sam hapdeng (interstate border) jong ka Meghalaya bad Assam.
