Shillong, Rymphang 21
U Myntri Rangbah, Conrad K Sangma, u la pynshai ba ka jingshim ram ka Jylla ka dei hapoh u pud bad kyndon kaba shah bad ailad ïa ka Jylla.
U Myntri Rangbah u la ong ïa kane haba jubab ïa ka jingkylli u nongthoh khubor halor ki lad ki lynti kumno ban pynduna ïa ka jingshim ram ha kaba la mang antad ba ha u snem 2024-25 ka jingshim ram kan kot sha ka `3,527 klur.
U la ong ba ka Sorkar Jylla ka pyndonkam ïa kane ka lad ban shim katkum ka jinglah bor bad hapoh jong u pud ym ban shu ïaid lait ïa ki kyndon kiba ïadei bad ka jingtreikam jong ka sorkar haba ïadei bad ka pisa tyngka.
U la ong ba ka Sorkar Jylla namar ka jinglah ban treikam bha khamtam haba pyntrei ïa ki projek kiba wan na ka Sorkar Pdeng, ka la lah ban ïoh bhah tam shuh bad ka jingpynlut ruh ka kiew ka dei na ka daw ka jinglah ban pyndonkam ïa ka pisa kaba ka Jylla ka ïoh.
Kumta u la ong ba ym don kano-kano ka jingtieng ne jingkhuslai bad hap sngewthuh, namar don la u pud khamtam haba ïadei bad ka pisa tyngka.
