Shillong, Rymphang 21
U Myntri Rangbah ka Jylla, Conrad K Sangma, u la pyntip ba ka jingkyrmen ïa ka jingtih dewïong katkum ka juk stad saïan yn sa ïoh noh ban sdang ha u snem mang tyngka ban wan.
U Myntri Rangbah u la pyntip ïa kane ha ka Sngi Balang hapoh ïingdorbar haba jubab ïa ka jingïatai halor ka jingkren jong u Lat, bad u la ong ba ki jingpynkhreh ïa ki kam ki jam ban sdang ïa ka jingtih dewïong da ka jingstad saïan ka dang shu sdang mynta.
U Conrad u la pyntip ba mynta ka sorkar ka dang ap sa ïa ka ‘environment clearance’ bad ïa ka jingpynlong ïa ka jingtian bishar paidbah ne ka ‘public hearing’ kaba dei ban long hapoh ka 45-60 sngi. “Ngi la thikna bha ba ha u snem mang tyngka ban wan, ngin sa ïohi ïa ka jingsdang jong ka jingtih dewïong da ka jingstad saïan,” u la ong.
