Shillong, Rymphang:
Ka jingdonkam ban pynkylla noh ïa ka North Eastern Indira Gandhi Regional Institute of Health and Medical Sciences (NEIGRIHMS) sha ka ‘Institute of National Importance (INI)’ ka dei kaba u Myntri ka koit ka khiah jong ka Sorkar Pdeng, u Mansukh Mandaviya u la dep pyntip sha u Myntri ka Sorkar Jylla u Bah A.L Hek naduh u Naiwieng 2023.
Kane la paw lyngba ka jubab kaba u Mandaviya u la pyntip ha ka shithi sha u Bah Hek kaba 20 tarik Naiwieng, 2023.
U Bah Hek u la thoh shithi kham mynshwa sha u Mandaviya ban kyrpad ïa ka Sorkar Pdeng ban kyntiew kyrdan ïa ka NEIGRIHMS sha ka AIIMS.
Une u Myntri ka Sorkar Pdeng u la pyntip ba kam pat don kano-kano ka jingthmu ban kyntiew ïa ka NEIGRIHMS sha ka AIIMS, hynrei ka don ka jingtyrwa ban pynbna ïa ka NEIGRIHMS kum ka ‘Institute of National Importance (INI).’
