Shillong, Rymphang:
Ka jingïaseng paidbah jong ka KJP Synod Mihngi kan long ha ka Balang Pomlakrai naduh ka 14 tarik Lber haduh 17 tarik, Lber, 2024.
Ka Balang Presbyterian Pomlakrai ka pdiang sngewbha bad pdiang burom ïa baroh ki dkhot bad ki Delegate ki ban wan sha ka jingïaseng jong ka KJP Synod Mihngi naduh ka janmiet Sngi Palei 14 tarik, Lber, 2024 ban sah bad ka Balang haduh bakut jong ki kam bad ki jingshakri ha ka Sngi U Trai ka 17 tarik, Lber, 2024.
Ha kaba ïadei bad kane ka Balang ka kwah ban pyntip ba ka shnong Pomlakrai ka long kaba kham khriat bad haduh u bnai Lber ruh ka jingkhriat ka dang don. Kumta khnang ba ki dkhot bad ki Delegate kin ym shem jingeh haba ki sah ha kane ka jaka, la pynkynmaw bad kyrpad ïa ki ba kin sngewbha ban pynkhreh ki jaiñ syaid la ki jong. Na ka liang ka Balang ka la thawlad ban pynbiang ïa ki jingdonkam.
Ka shnong Pomlakrai ka don ha syndah ka shnong Lad Nongkrem (Kynton U Mon) bad Laitkor. Kiba wan sha Pomlakrai ynda ki la poi ha Lad Nongkrem kin ïaid na ka lynti dewbilat kaba noh sha parmaw kaba don markhap bad ka lynti ban leit sha Assam Rifles.
Ki nongwan kin ym shem jingeh namar kin sa don ki Sign Board ban kdew ïa ka lynti ban poi sha Pomlakrai. Kiba wan na sor kin rung na Ksehbilat, Laitkor bad bud ïa ka surok Laitkor-Pomlakrai, Laitlyngkot Road.
