Jowai, Rymphang 25
Kawei ka ïing ka la shah bam shngiam ha ki thylliej ding haduh ban da kylla dpei ha ka shnong Tuber Kmaishnong ha ka step jong ka Sngi U Blei ha ka por kumba 2 baje mynstep.
Kane ka ïing ka dei jong ka Kong Ribiang Phawa.
Kane ka ïing ka la julor phom bad ha kane ka jingjia kam don kano-kano ka jingjia kaba sngewsih.
Ka Dorbar Shnong Tuber Kmaishnong hapoh ka jingïalam u Waheh Shnong, u Bah Miky Lyngdoh, General Secretary bad ki dkhot shnong ki la synñiang T. 30,000 sha kane ka longïing.
Shuh shuh na ka liang ka KSU, East Jaiñtia Hills District hapoh ka jingïalam u President, u Bah Streamly Nongjop Suchen, ruh ka la kner ïa ka jingïarap sha kane ka longïing kaba la ngat ha kane ka jingjia kaba sngewsih.
