Shillong, Rymphang 26
Ka Seng Khasi Nongmensong kan pynlong ïa ka Shad Suk Mynsiem 2024 ha ka 2 bad 3 tarik Lber ha ka madan Shad kumba ju long.
Ha u kyrwoh, u President ka Seng Khasi Nongmensong, u Rangbah S Jala, u la ong ba kane ka shad-ka-kmen ka long ka jingkynmaw bad jingainguh u Khun Khasi Khara shisien shisnem ïa U Blei U Trai Kynrad U Nongthaw U Nongbuh ban neh ka Hok la ka Riti.
U Rangbah Jala u la kyrpad bad khmih lynti ïa ki para khun ka Ri ban ïapoi lang sha katei ka shad ka kmen bad ban ïamih nongshad kynthei bad shynrang bad la ka riam ka beit pura ban phuh ban phieng la ka kam ban sah pyrto donburom.
