Shillong, Rymphang:
Ka Khasi Students’ Union (KSU) Mawthadraishan Circle lyngba ka Education Cell ka ai kitbok kitrwiang ïa ki samla pule ki ban sa ïakhun ïa ka eksamin jong ka SSLC bad ka HSSLC ka ban sdang ha u ‘nai Lber.
Ha ka kyrwoh khubor ba la pyllait da u Education Secretary ka Seng u samla Spehsylli R Thabah u la ong, ka seng ka kitbok kitrwiang ïa iwei pa iwei ki ban shong thoh ïa ka eksamin ba kin lah ban leh bha khnang ba kin lah ban wanrah ïa ka burom ïa ka ïing ka sem bad kumjuh ïa ka Ri bad ka jaidbynriew hi baroh kawei.
U samla Spehsylli u la ong, lyngba ka jingtrei minot ka jong phi kum ki samla kan long pat ka pansngiat ïa ki kmie ki kpa kiba la trei shitom ban ai ka lawei kaba phyrnai ïa baroh.
