Shillong, Rymphang 27
Ka Ïingdorbar ka la mynjur bun tylli ki aiñ rew ha ka sngi bakut jong ka dorbar mang tyngka bad ïa kine ki aiñ rew la wanrah da ka Sorkar.
Ka dorbar mang tyngka ka la sdang ha ka 16 tarik bad kut ha ka 27 tarik mynta u Rymphang.
Nalor ka Meghalaya Appropriation (No.II) Bill, 2024, ha kane ka sngi bakut ka dorbar mang tyngka, ka Ïingdorbar ka la ai jingmynjur ïa ki aiñ rew kiba kynthup ïa ka Meghalaya Civil Task Force Revealing Bill, 2024, ka Meghalaya Fiscal Responsibility and Budget Management (Amendment) Bill, 2024, Captain Williamson Sangma State University (Amendment) Bill, 2024, Contingency Fund of Meghalaya (Amendment) Bill, 2024 nalor ka Meghalaya State Investment Promotion and Facilitation Bill, 2024.
Ynda la dep lut ki kam baroh, na ka liang u Lamphang u la pule ïa ka khubor kaba wan na u Lat ka Jylla bad pynwai noh ïa ka dorbar mang tyngka.
