Shillong, Rymphang 27
Ki pulit ki la ïoh ïa ka jingujor ba ha ka 24 tarik Kyllalyngkot ha ka por kumba 5 baje janmiet, kawei ka ar shaka (ML-05X-9261) kaba dei jong uwei u briew ba la tip kyrteng kum u Lapynskhem Lamare ka la shah tuh na ka jaka pynïeng kali kaba don ha Umsohsun.
Ha kawei pat ka jingjia, u Pangrak S Sangma u la ujor ba ha ka miet jong ka 24 tarik Rymphang, ki runar ki la tuh ïa ka thuk-thuk (AS-01DM-2723) jong u na ka jaka pynïeng kali kaba don ha Tura Civil Hospital.
Sa ha kawei pat ka jingjia, u Rony Saha u la ujor ba ha ka 24 tarik Rymphang, u la lap ba ka thuk-thuk (ML-08J-9172) jong u ka la jah na Bangsidua, Phulbari.
Nalorkata, u Nitesh Singhania u la ujor ba ka 24 tarik Rymphang, ki runar ki la tuh ïa ki sainar ilektrik na ka ïing sah jong u kaba don ha Jail Road, Shillong katba u Sabyasachi Mukherjee u la ujor ba ha ka 24 tarik Rymphang, ki runar ki la prong sha ka ïing sah jong u kaba don ha Oakland, Shillong bad ki la tuh ïa ki mar ki mata ban shna ïing bad uwei u dur mot jong u Buddha.
