Shillong Rymphang 27
U Myntri Rangbah u Conrad K Sangma u la pynpaw ka jingdiaw ha Ïingdorbar halor ka jingkynnoh ba u Myntri Rangbah u khanglad ïa ka ktien Khasi ban ïoh rung ha ka Khyrnit Baphra ka Riti Synshar.
U Myntri Rangbah u la ong ba ki jait ktien bapher bapher ki sahteng la bun phew snem ban ïoh jingithuh bad ka long kaei-kaei kaba ym lah pdiang ban kynnoh ba dei u Myntri Rangbah uba peit ban khanglad.
U la ong ba ka dei ka Sorkar Pdeng kaba rai ban ai jingithuh ïa ki jait ktien bad mynta la bun phew snem ym don ki jait ktien kiba ïoh jingithuh.
Kumta u la ong ba ka long kaei-kaei kaba bakla bad ym lah pdiang ban kynnoh khlem nongrim ba u Myntri Rangbah u khanglad ïa ka ktien Khasi ban ïoh jingithuh.
