Shillong Rymphang 28
Ka kaiphod Comptroller Auditor General (CAG) ka la pynpaw ba ki don ki syrnot lane ‘Utilisation Certificate (UC)’ kumba 454 tylli kiba dang sahteng haba ïadei bad ka pisa kaba T. 3,436.01 klur ei ei, bad ym don kano-kano ka jingkular ba kane ka jingpynlut ka dei kaba la leh katkum ka jingthmu kaba la aibor ban pynlut.
Kane ka paw ha ka Finance Accounts and Appropriation Accounts na ka bynta u snem 2022-23 kaba la pyni ha ka kaiphod CAG haba ïadei bad ka Meghalaya.
Ka kaiphod CAG ka ong ba ka jingbei pisa kum ka jingbhah hapdeng ki kompani jong ka Sorkar kiba kynthup ïa ka Statutory Corporation, Joint Stock Company, bad ki Co-operative Institutions ka long T. 3,240 ha kaba kut u snem 2022-2023 ha kaba T. 2,745.32 klur la buh na ka bynta ki kompani haba ïadei bad ki kompani bording.
