Shillong, Rymphang 28
U Bah Mathaios Wahlang, 28 snem, ba shong ba sah ha shnong Nongtrai, kaba hap ha ki thaiñ Lawbah, Mawsynram Police Station, East Khasi Hills District u la jah na ïing naduh ka 23 tarik u Rymphang, 2024 naduh ka por 11:00 baje mynstep.
Haba ïoh ban ïakren bad u Bah Kering Wahlang uba dei u bahaïing, u la ïathuh ba u la jah na ïing ha ka 23 tarik bad ha ka sngi kaba bud kata ha ka Sngi Saitjaiñ kaba dei ka 24 tarik Rymphang, 2024 la don kiba ïohi ba u ïaid sha ïew Mawsynram, hynrei um shym la wanphai shuh sha ïing naduh ba u mih na ïing.
U la ïathuh ba u Bah Mathaios Wahlang u phong ïa ka sweater thoh laiñ.
Kumta u la kyrpad lada don mano-mano kiba ïohi, kin pyntip lem sha ki bahaïing da kaba ‘phone’ ha kine ki nombar 7005919922 bad 8787428976.
Nangta ruh u la ïathuh ba u Mathaios u la dep jah teng na la ïing bad lap na Sohra namar une u briew u don jingduna ha ka bor pyrkhat bad la ïoh ban leit shimti noh ïa u.
Namarkata, u don jingkyrmen ba lada don kiba ïohi kin sngewbha ban ‘phone’ ha kitei ki number phone ba la ai haneng.
