Shillong, Rymphang 29
Ka Meghalaya Human Rights Commission (MHRC), Shillong, ka la shim ïa ka jingujor ba la ai da ka Hynñiewtrep Youths’ Council (HYC) halor ka jingkynnoh ba u heh pulit uba dei u 2nd Officer-in-Charge ka thanat Pynursla, u la ktah kti ïa u President ka HYC Riwar Mihngi Circle ha thanat Pynursla.
Ka Commission ka la dep ai da ka shithi sha u Superintendent of Police, East Khasi Hills District, ba un ai da ka kaiphod ha kaba ïadei bad katei ka jingjia hapoh 15 sngi, la pyntip u Secretary ka MHRC.
