Shillong, Rymphang 29
Ki pulit jong ka Anti-Narcotics Task Force (ANTF), East Khasi Hills, ki la ïoh kem ïa lai ngut ki briew ba kynthup ïa arngut ki kynthei na Khyndailad ha ka Sngi Palei bad la ïoh kurup ïa u drok Heroin uba don 63.46 Gram.
Ha u kyrwoh khubor, u SP ka East Khasi Hills, u Rituraj Ravi, IPS, u la ong ba kitei kiba la shah kem ki long ka Esther Lalramdinmaw na Demthring, Shillong, ka Lalthanpui Hmar na Them Basuk (Happy Valley), Block-F, bad u Rudy Wahlang na Jaïaw Langsning.
U SP u la ïathuh ba na kitei lai ngut, la ïoh ban kurup san tylli ki synduk sabon ba la thep da u drok Heroin uba don 63.64 Gram. La kurup ruh saw tylli ki Mobile Phone, pisa kaba don ` 35,900 bad kawei ka ar shaka.
U Ravi u la ong ba ïa ka jingkhynra, jingpeit bniah bad jingthew la leh katkum ki kyndon jong ka NDPS Act, 1985 hapoh ka jingpynïaid jong ka Shivangi Goel, IPS (P).
Ka jingtohkit ban lap shuh ïa kiba donkti ha kane ka kam ka dang ïaid shakhmat, la ong u SP.
