Shillong, Rymphang 29
Ka jingrem ka bai shah sumar bad ka jingïapher ka dor ha ki jaka sumar ka Sorkar bad jaka sumar shimet ka la pynlong ïa ka Ïingbishar kaba hakhliehduh ka Supreme Court ban tuklar bad woh ïa ka Sorkar Pdeng haba ïadei bad kane.
Ka Supreme Court ka la ong ba ki nongshong shnong jong ka ri India ki don hok ban ïoh ka jingsumar kaba biang, bad ka Sorkar Pdeng kam lah ban shu kiar na ka jingkitkhlieh.
Ka Supreme Court ka la wohnia ïa ka Sorkar Pdeng namar ka jingïapher ka bai sumar hapdeng ki jaka sumar shimet bad jaka sumar jong ka Sorkar.
Kumta ka Ïingbishar ka la kyntu ïa ka Sorkar Pdeng ban pyntreikam ïa ki kyndon kiba la rim kumba 14 snem mynshwa da kaba ïasyllok ruh bad ki Jylla.
La ong ba ka Supreme Court kan sa pynlong ïa ki jingpynsngew sha ki paidbah haba ïadei bad kane.
La ai nuksa ba lada shah sumar haba puid ïa ka khmat ha kaja sumar ka Sorkar ka lah ban poi kumba ` 10,000, katba ha jaka sumar shimet ka bai sumar ka poi hapdeng ` 30,000 haduh ` 1,40,000 jaka sumar ki shimet.
Kumta ka Supreme Court ka la khot ïa u Union Health Secretary ban lum jingïalang bad ki Jylla ban ban pyntikna ïa kiwei ruh ban khot jingïalang ban pynbeit ïa kane.
“Lada ka Sorkar Pdeng kam lah ban shim ïa kane ka kam, yn poi ka por ban rung ka jingpdiang da kaba pyntreikam biang ïa ka CGHS,” u la ong.
Ïa kane la mudui da ka Veterans Forum for Transparency in Public Life,’ kawei na ki seng treimon sngewbha.
