Nongstoiñ, Lber 17
U District Election Officer, West Khasi Hills, Bah Garod L.S.N. Dykes, IAS, u la pyntip ba khnang ban wanrah ïa ka jingshngaiñ bad ka suk ka saiñ ha ka por jied nongmihkhmat sha ka Lok Sabha, bad ban ym don kino-kino jingpynkheiñ kyndon aiñ, ka Election Commission ka la bthah ïa baroh kiba don ïa ki suloi kiba don laisen ba kim bit satia ban pyndonkam bakla ïa ki ha ka por ilekshon.
U DEO u la kyntu ruh khamtam ïa kito ki briew kiba dang shu ïoh jamin shen, ki briew kiba ju pynthut ïa ka shongsuk shongshngaiñ bad ki don ïa ki suloi laisen, nangta ïa ki briew kiba don ïa ki suloi laisen hynrei kiba ju mlien ban thaw jingkulmar ha ki por ilekshon.
U DEO u la kyntu ïa u S PWest Khasi Hills ban shim noh ïa ki suloi na kum kita ki briew lada ki don hapoh West Khasi Hills khnang ban pyntikna ba ka suk ka saiñ kan don hapoh ka District.
