Shillong, Lber:
Ka Citroën, kaba long kawei na ki kompani na France ka la long kaba la pynkhreh ban buh haduh 200 tylli ki jaka die kali bad ki jaka ban ai jingshakri ïa ki kali kat ban kut ka snem 2024. Kane ka sienjam treikam kaba thmu ban wan rah jingkylla ka pyni ïa ka jingtrei minot jong kane ka kompani ka long ba ka kwah ïa ki briew kin ïoh ban mad ïa ka jingbha jong ka Citroen bad ka kwah ruh ban pynïar ïa ka jingdon jong ki nongthied ha kylleng ka ri. Ka Citroen ka la pynbna ban pynïaid ïa ka kam ha palat 140 tylli ki ïew khnang ba yn lah ban wanrah ïa lad ki lynti bad ki jingshakri kham jan sha ki nongthied.
Ka Citroen ka thmu ban pynïar ïa ka jing treikam ha India da kaba wan rah shuh shuh sa palat 200 tylli ki jaka die kali ha kylleng ki jaka sor, ki khap sor bad ki jaka nongkyndon, kaba long ka jingkiew kaba 400% na kaba long mynta 58 tylli. Ka jingthmu jong kane ka jingpynïar ka long ban ai sha ki nongthied ïa kaei kaei ba bha tam bad wan rah ïa ki buit treikam thymmai ne ka rukom die ka ban ïahap bad ki ïew ha ki thup bapher bapher. Ka Stellantis ka la dep ban bei 2,000 klur tyngka ka pisa India ha Citroen, kaba la long ka shnat hapoh jong ka Citroen, kaba pyni ïa ka jingtrei minot sha ka jingkyntiew ïa ka India. Ka jingbei tyngka ka pynpaw ïa ka jingangnud ka Citroen ban wanrah jingkylla bad ba lah ban kner ki jingshakri sha ki nongthied, kaba pynlong ïa ki mar jong ka bad ki jingshakri jong ka kiba lah ban ïoh da baroh. Haba kren shaphang ka jingpynïar ïa ka jingshakri u Shishir Mishra, Brand Director, Citroen India, u ong, “Ngi thmu ym tang ban kurop ïa ki lad ki kaba kiba dang shu mih hynrei ban noh synñiang ruh sha ki kam ban kyntiew ïa ka roi ka par ha ka imlang sahlang jong ki sor kiba kham rit, kaba wanrah ïa ka roi ka par bad ka jingkynthup lang ïa baroh ha kylleng ki bynta.”
