Shillong, Lber 19
Uwei u nongshong shnong ka nongbah u la ujor sha ki pulit ba u la shah shukor ha kawei ka kynhun kaba la pynïaid ïa kawei ka ‘WhatsApp Group’ bad na kane ka jingshah shukor, u la duh ei T. 9 lak.
Ka khubor na ki pulit ka ïathuh ba utei u nongshong shnong uba na Lumshyiap, Shillong, u la ujor ba ha ka 31 tarik Kyllalyngkot, 2024, lyngba kawei ka ‘WhatsApp Group’ ba la ai kyrteng “Waterfront Global Fund Trading Platform”, ba la kynnoh ba la pynïaid da ka Trisha Shah, u Ravi Kumar, u Abhishek Giri, Abu, u Akash Madhavan bad u Ali Sehgal, u la shah shukor T.9 lak ha ka kyrteng ban bei tyngka ha ki ‘Stock’.
