Shillong, Lber 19
U Additional Director jong ka Health Services, Civil Hospital, Shillong u la pyntip ba uwei nongpang uba la tip kyrteng kum u Biswanath Thakur, 55 snem, ba sah ha Laban, Shillong, u la khlad noh ha ka sngi ba u la wan shah sumar ha hospital.
La ong ba une u nongpang u la wan shah sumar ha ka 18 tarik ha Male Orthopedic Ward, ha ka por 7:41 mynmiet bad ha kane kajuh ka sngi, une u nongpang u la khlad noh ha ka por 9:15 mynmiet.
Kumta na ka liang u Additional Director u la kyrpad ïa ki bahaïing ba kin wan shimti noh ïa ka metïap kaba la buh hapoh ka jaka buh metïap (Morgue) jong ka hospital hapoh 3 sngi, kata naduh ba la pynmih ïa ka jingpyntip. Lada ym lah ban leh kumta, ïa ka metïap yn aiti noh sha ka Shillong Municipal Board ban leh ïa kaba donkam.
