Shillong, Lber 20
U President ka NPP ha Jylla, Bah Prestone Tynsong, u la buh jingkylli ïa u MP ka Congress Bah Vincent H Pala halor ka jingong ba ka NPP ka jied kyrtong da ka longkmie ka dei namar bym don ka lad.
“Lada ka long kumta (ba jied kyrtong ïa ka kynthei dei bym donlad shuh) balei pat ka Congress ha kiwei ki Jylla ki jied da ki kynthei. Katno phew ngut ki kynthei ka AICC ka la jied ha kiwei ki Jylla ruh,” la pynpaw u Bah Prestone.
U la ong ba ka jingjied ïa ka Kong Ampareen ka dei kaba la pyrkhat bha bin-pa-bin bad ka dei ka jingïarai lang ban buh ïa ka bad pyrkhat bin-pa-bin ngi jied ïa ka Dr Ampareen.
Halor ka jingjied da ka kynthei ban ïakhun ilekshon, dang shen u MP ka Congress u Bah Vincent H Pala u la ong ba ka NPP ka jied kyrtong da ka kynthei ka dei ka jingbym don lad shuh ym dei shisha ba ki thmu ban pynkupbor ïa ki kynthei.
