Jowai, Lber 21
Ka Synjuk Waheh Shnong Ri Jaiñtia ka la pyntip ba kan pynlong ïa ka jingïalang bah ha ka 25 tarik Lber ha Community Khliehpyrngap Ïalong, West Jaiñtia Hills District ha ka por 11 baje mynstep.
U General Secretary Bah B Shylla u la pyntip ba ki mat ban ïakren ki long ka kaiphod kut snem jong ka samoi treikam bad ka jingkheiñ jingdiah, ban pynthymmai ïa ki nongkitkam jong ka Synjuk Waheh Shnong Ri Jaiñtia Sengkmie ha baroh ki kam, ban ïakut ïa ka jingaiti kam bad jingpynbam smai ïa ki nongkitkam thymmai bad kiwei-kiwei.
Kumta u la khot la wer ïa baroh ki waheh shnong Ri-lum Jaiñtia na baroh ar tylli ki district ka West bad East Jaiñtia sha katei ka jingïalang bah.
