Shillong, Lber 21
U MP ka Congress na Shillong uba dei ruh u President ka Meghalaya Pradesh Congress Committee (MPCC), u Bah Vincent H Pala u la lum ïa ki nongïalam bad nongkitkam na baroh 36 tylli ki konstitwensi ban pynsngewthuh ïa ki nongrim jong ka seng kiba dei ban pynsngew sha ki paidbah.
U Bah Pala u la ong ba u don ka jingshngaiñ bad jingkyrmen ba ki paidbah ki dang shaniah ïa ka Congress namar ka ai ka jingsynshar kaba laitluid bad ka bym pynsyier ïa ki nongshong shnong ha ka ri khamtam ïa ki jaitbynriew riewlum bad ki ritpaid.
U Bah Pala un leit ban thep kyrteng kum u kyrtong ka Congress ban ïakhun biang na Shillong Lok Sabha konstitwensi ha ka 25 tarik u Lber 2024.
U Bah Pala u la pynsngew ruh sha ki nongïalam bad nongkitkam ka Congress ïa ki kam babha kiba la leh da ka Congress ha ka ri baroh kawei bad ha kane ka Jylla Meghalaya.
Na ka liang ki nongïalam bad nongtrei ka Congress ki la pyrto ruh ïa u Bah Pala kum u MP namar dei hadien ka jinglong MP u Bah Pala ba ki projek khamtam ka surok Four Lane na Jorabat sha Umïam bad ka surok Shillong Bypass na Lad Umroi sha Mawryngkneng ki la urlong nalor ka surok na Shillong sha Tura lyngba ka Nongstoiñ.
Ki nongkitkam ka Congress ki la ïaroh ruh ïa ka Sorkar Congress ha ki snem kiba la leit noh kaba la pyntreikam ïa ki skhim kum ka skhim 100 sngi (MGNREGS) kaba long shisha ka jingkyrkhu bad pynïoh kam ïa ki paidbah ha shnong ha thaw.
“Lada ka Congress ka kyrshan ïa ka TMC ha Garo Hills bad lada ki leit ïasoh BJP, ka long ………”
