Shillong, Ïaïong 03
Kawei ka kali Gypsy jong ki pulit ka thanat Mawlai ka la kem ding bad ing hadien ba ki briew ki bym lah ban ithuh ki la rung shapoh phyllaw jong ka thanat bad kawang petrol bom ïa ka kali kaba la pynïeng ha phyllaw.
Kane ka la jia ha ka por 2.40 baje eiei jong ka step synñia Sngi Balang, ka 3 tarik Ïaïong 2024.
Ha u kyrwoh khubor ba la pyllait da u Superintendent of Police (SP) ka East Khasi Hills district u Rituraj Ravi, la ong ba ki briew kiba kawang petrol bom ki don kumba 5 ngut kiba ym lah ban ithuh ha kaba ki la rung sha phyllaw jong ka thanat Mawlai ban leh ïa kane ka kam.
Ka kali Gypsy ki pulit kaba la pynïeng ha phyllaw jong ka thanat kaba don ïa u nombar ML02-0194 ka la kem ding bad julor shikatdei.
U SP u la ong ba ka jingtohkit ka dang ïaid shakhmat bad ki pulit ka thanat Mawlai ki la pynrung ïa kane ka jingjia ha ka jingujor katkum ki kyndon jong ka Explosive Substances Act, 1908 bad Prevention of Damage to Public Property Act,1984.
