Guwahati, Ïaïong 25
Uwei u nongshong shnong ka Meghalaya u la shah bat ha ki nongshong dukan ha ka ïew ha Damra kaba don ha ka nongrit Dudhnoi ha Assam hadien ba u la pyrshang ban pyndonkam da ka pisa thok ban thied kwai.
Utei u briew u dei uba la tip kyrteng kum u Goblin Momin, 30 snem ka rta, bad u dei uba shong ba sah ha kawei ka shnong ha East Garo Hills.
Katkum ki khubor, la ong ba u Goblin u la rah ïa ki lut ` 500 thok bad ka pisa thok baroh kaba u don ka long haduh ` 1,41,000. Na ka liang ki nongshong dukan ki la suba sniew ïa ka pisa ba ki la ïoh na u Goblin bad namarkata, ki la pyntip noh wut-wut sha ki pulit.
Hadien ba u la shah bat ha ki nongdie dukan, la aiti noh ïa u Goblin sha ki pulit ka thanat Damra, bad na ka liang ki pulit ki la ïoh ïa katei ka pisa thok na une u briew.
Ki pulit ki la ong ba ka jingtohkit ïa u Goblin ka dang ïaid khnang ban tip naei u la ïoh ïa katei ka pisa thok.
