Jowai, Ïaïong 25
Sa shisien shi kynhun ki sim Pukni ne ki Himalayan Vulture (Gyps himalayensis) ki la wan poi ha ka khlaw rit ha Lad Demthring, West Jaiñtia Hills District.
Kine ki sim kiba la wan poi ha ka lad ban leit sha ka shnong Demthring kaba jngai tang katto-katne kilometre na ka nongbah Jowai ki la don mynta la kumba lai taïew tam eiei.
Kane ka dei ka snem kaba lai ba kine ki pukni ki la wan sha ka Jylla Meghalaya bad ki wan ha kane ka jaka ba don ka sem ot doh.
Kine ki pukni la antad ba ki don haduh kumba 20 tylli bad na ka liang ka tnat Khlaw ruh ka la shimkhia ban ai jingïada da kaba pahara ïa ki.
Ka tnat Khlaw na ka por sha ka por ka kyntu ïa uwei-pa-uwei ban ai ka jingïada ïa kine ki sim namar ki dei ki sim kiba la jan duhjait katkum ka International Union for Conservation of Nature (IUCN) Red List Threatened Species.
