Imphal, Ïaïong 26
Ka Election Commission jong ka Ri India (ECI) ka la buh kyrpang ïa kawei ka jaka thep ‘vote’ lane ka Polling Station na ka bynta uwei u nongshong shnong ha Tengnoula distrik ha Manipur ha ka Sngi Thohdieng.
U Henvanlallien Kaihmang (38 yrs), uba dei u nongthep ‘vote’ jong ka Inner Manipur Parliamentary Constituency, u don tang marwei kum u nongthep ‘vote’ bad uba shong ba sah ha ka Moreh Higher Secondary School naduh ba sdang ka jingïakynad bad jingïaumsnam ha Manipur ha u Jymmang mynshem snem. Ha ka jingshisha, u la dei ban thep ‘vote’ ha ka 19 tarik Ïaïong kaba dei ka bynta banyngkong jong ka thep ‘vote’ ha Manipur, hynrei u khlem lah satia ban pyndep ïa la ka kamram ban jied nongmihkhmat.
Na ka liang utei u nongshong shnong u la pynpaw ïa ka jingsngewnguh ïa ka ECI kaba la ailad ïa u ban thep ‘vote’ mynta ka sngi khnang ba un ïoh ban pyndep ïa la ka kamram bad ka hok ban jied ïa u MP na Inner Manipur.
Ha katei ka jaka thep ‘vote’, la pynkhreh lut nadong-shadong kynthup ïa ki nongap pahara ban ailad ïa utei uwei u nongthep ‘vote’ ban jied ïa u MP bathymmai.
