Tura, Ïaïong 26
Ki pulit ka South West Garo Hills haduh mynta ki la ïoh ban kem ïa hynñiew ngut ki briew ha kaba ïadei bad ka jingshah leh be-ijot jong arngut ki khynnah kynthei.
Ha ka banyngkong, ki pulit ki la kem shwa ïa ka saw ngut, bad hadien ka jingtohkit bad jingwad bniah, ki la ïoh ban kem sa ïa lai ngut ha ka Sngi Thohdieng. Kine kiba shah kem ki dei na South Salmara, Mankachar distrik ha Assam, bad ka dei ka jaka kaba don marjan bad ka jaka kaba ki la leh be-ijot ïa kitei ki khynnah.
Na ka liang ki pulit kin ïoh ban tohkit na ka bynta san sngi ïa kitei kiba la shah kem. Hynrei ki dang don ruh sa kiwei pat kiba dang jah rngai, bad ki pulit ka South West Garo Hills, ha ka jingïatreilang bad ki pulit ka Assam, ki dang thwet ban ïoh kem sa ïa kine.
U SP ka South West Garo Hills, u Vikas Kumar, u la ong ba ki pulit kin ym shongthait tad haduh ban da ïoh kem lut ïa baroh kiba donkti.
