Shillong, ïaïong:
Ka Toyota Kirloskar Motor (TKM) ka la pynmih sa ïa kawei pat ka kali Fortuner kaba tam ban ïa kiwei ki kali Fortuner ne ka LEADER EDITION ha ka ïew ha India. Da ka jingshna pynbha na ka kali Fortuner kaba mynshwa kaba la pawnam, ka Fortuner LEADER EDITION ka dei ka kali kaba kham itynnad shuh shuh bad la buh ruh ïa shibun ki bynta kiba thymmai.
Ka kali Fortuner kadei ka kali kaba wan ha khlieh duh ha kaba ïadei bad ka thup jong ki kali SUV kiba pdeng naduh ba la pynmih ïa ka ha ka snem 2009, ha kaba la dep ban die ruh haduh 251,000 units haduh kine ki sngi ba mynta. Ka Toyota mynta ka la pynmih sa ïa ka Fortuner LEADER EDITION, ka kali kaba kham skhem bad kham bha ban pynïalehkai Sport ha kaba ïadei bad ki kali SUV ba pdeng, kata ki kali Fortuner.
Ka Toyota ka la pynmih ïa ka Fortuner LEADER EDITION, kaba long ka kali kaba i khaiñ bha bad kaba long ka kali SUV ba pynïalehkai Sport na ka bynta ba “nang shna shuh shuh ïa ki kali kiba bha”.
Kane ka kali ka don ïa ka Diesel Engine ba 2.8 L bad kaba lah ruh ban ïaid ha ka 6-Speed Automatic bad 6-Speed Manual bad lah ban ïoh ïa kane ka kali ha ki rong bapher bapher kata Super white & A. Black, Platinum Pearl White & A. Black, Silver Metallic & A. black, bad ki shaka ba ïong.
Ka kali kaba lah ban ïaid automatic ka pynmih ïa ka bor kaba long 500 Nm Torque bad kaba khlaiñ bha ha kaba ka don ha ka ïa ka 204 PS, katba ka kali kaba lah ban ïaid Manual ka don ïa ka bor kaba 420 Nm Torque bad 204 PS. Kane ka kali kaba 4X2 ka wan ha ki ar tylli ki rong kiba la khleh lang bad ka don ruh ia ka shaka kaba ïong.
Kane ka kali Fortuner LEADER EDITION ka don ïa shibun ki bynta kiba la buh ha ka kiba long katkum kane ka juk stad ba mynta bad ka long ka kali kaba khlaiñ bha ïa kaba la tip kum ka ‘Lead with Power’.
U Sabari Manohar – Vice President, Sales-Service-Used Car Business, Toyota Kirloskar Motor u ong, “Ngin ïai bteng ban nang pyn pynbha shuh shuh ïa ki jingshakri sha kito kiba ïeid ïa ki kali SUV da ka jingpynmih ïa ka Fortuner LEADER EDITION kaba long ka kali kaba itynnad naduh nabar, kaba khring ïa kiba peit bad kaba aram bha ban shong hapoh, bad kaba don ruh ïa ki kor ki bor kane ka juk ba mynta ïa kaba la khmih lynti ba kane ka kali kan long ka kali kaba lam khmat ha kaba ïadei bad ka jingkhlaiñ bor ne ‘Lead in Power'”.
